Sûretde gerçi zerre-i imkân olan bizüz
Ma’nâda âftâb-i dırahşân olan bizüz
Bî-harf çeşm-i yâr ile itdük mükâleme
Râz-âşinâ-yi nükte-i ‘irfân olan bizüz
Gerden-be-tavk-i silsile-i zülf-i dil-berüz
Deşt-i cünûn-i ‘aşkda pûyân olan bizüz
Huşyâr olmazuz hele tâ rûz-i reste-hîz
Mestâne-i mey-i leb-i cânân olan bizüz
Ol katreyüz ki fart-i çekîdeyle ‘aşkdan
Sâmî mürûr-i vakt ile ‘ummân olan bizüz
