‘Ukde-i merdümek-i çeşm o ruh-i aldadur
Nâhun-i dest-i nezâre girih-i hâldedür
Reng-i hüsni hat-i nev-hîz perîde idemez
Mevc-i pervâz-i hümâ cünbiş-i şeh-bâldedür
Gerdiş-i nûr-i nigeh zîver-i âgûş ideli
Pây-i hüsni o mehün halka-i halhâldadur
Mahv ider zevk-i nuhustîni humâr-i encâm
Telh-kâmî ki turenc-i kef-i ikbâldedür
Tercemândur kaleme pençe-i nazmum Sâmî
Cevher-i tîg-i zebân nakş-i kef-i lâldedür
